خواطر
انا يا جماعه خلاص هيبقي عندي ثلاتين سنه قريب جدا متخيلين يعني ايه ثلاتين سنه. صديقه هنا صاحبه قهوه عملت هيصه وزمبليطه لما بقي عندها 21 سنه انا مش عارف هيحصلي ايه لما يجي اليوم الي يبقي فيعه عندي 30 سنه.
بصراحه كده مش هيا ده المشكله الرئيسيه بتاعتي السن يعني وكده انا الموضوع وما فيه ان انا هيكون عندي 30 سنه ولسا احمل لقب اعززززززززززب.
الموضوع ده يا جماعه ماثر فيا شويتين او تلاته علشان كده بعد طول غياب قررت ان يكون موضوع المدونه " خواطر الثلاثين "
يعني ايه هيا مشاعري علي اعتاب الثلاثين وفي خلال الثلاثين وبعد الثلاثين.
ونحاول نشوف حل لمشكله الاعزب وعنده 30 سنه ده . انا السبب ولا السبب فين. مهو لازم نشوف حل للموضوع ده.
اتصرفوا عندنا شهر واسبوع بس قبل ما اكمل الثلاثين ربيعا ان شاء الله.
29 comments:
اهى دى بقى نكته بس انا مش فاهماها
يعنى انا اعرف ان الى يقعد للتلاتين ده يبقى قاعد بمزاجه ..انما انت شكلك كده قاعد مش بمزاجك ..وكمان متضايق و عايز حل
مممممممممممم
يلا معلش بتحصل كتيير .. متزعلش وانشاءالله تلاقيلها حل
:)))
سلامى
كل سنة وانت طيب وعيد فطر مبارك وسعيد عليك وعلى كل حبايبك
...
سما وناردين
شوشو هانم
كويس والله انها نكته بالنسبالك بس بالنسبالي نش كده.
الموضوع لمعلومات سعادتك اكبر من كده مثلا انك تلاقي حد يكون شريك حياتك ده حاجه صعبه جدا جدا. وخصوصا مع الي الواحد بيشوفه ويسمع عنه اليومين دول من البنات نفسهم وعن البنات.
وعلي فكره ممكن تكون البنت متدينه وكويسه جدا بس بتلاقي شخصيه تانيه خالص بعد الجواز او انسانه تانيه غير الي انتي عرفتيها.
وبالنسبه لشخصي انا مش متخيل اني اعرف واحده وبعدين اتجوزها ونتخانق ويبقي بنا مشاكل انا اعتقد اني لو حصلي مشكله مع مراتي هيبقي الموضوع صعب اوي اوي لاني من النوع الي مش بينسب بسرعه وتخيلي بقي تبقي عايشين في بيت واحد وبينكم شرخ ده انا مش قادر اتخيله وهيا ده مشكلتي . فخمتوا ولا مو فخمتوا يا شوشو
الخيال لا بالأحرى التخيل ليس هو الواقع ببساطة لانه خيال .. فكل ما يدور في ذهنك عن هذا الموضوع ثق انه لن يكون الواقع...
ومع ذلك اذا كنت متأثر بوقائع من خلال معارفك او حتى من خلال ما رأيت انت شخصياً ... فهي حالات تخص من حكوها ... وهي لن تكون ما سيحدث لك ...
بالمناسبة اذا لقيت ابقى بردو خبرني كيف وجدتها..............
ههههههههههههههههههه
وكل عام وانت بخير..
خالص تحياتي
عزيري اسامه
خيالات هيا لمن يعيش بعيد عن الواقع او يهرب من الواقع الي عالم الخيال.
ولكن اذا لم يصلك المعني الخفي من كلامي فدعني اوضحه لك من خلال تجارب شخصيه ووقائع معاصره لا تخفي علي احد كبير كان او صغير.
البحث عن الحقيقه وعلاقهدائمه ليس بالشي اليسير حاول ان تجدها فمن وجدوها فعلا من المحظوظين في هذه الحياه تابع الواقع المعاصر وسوف تجد ان كلامي به جانب كبير من الصواب
اكيد هبلغك ده انا ممكن اعمل الفرح هنا
انت ليه متضايق كدة انك هتم 30
اصلا مبئتش مشكلة كبيرة لان كل الناس دلوقتى جوازهم بيتأخر
وانا معاك فى نقطة مهمة
انك تتأخر وتدور على شريكة حياتك كويس وتكون متأكد منها وفعلا بتحبها
احسن من لما تتجوز بدرى ولا قدر الله تحصل مشاكل
ربنا هيوقعك فى نصيبك فى الوقت اللى هو محدده ليك
good luck in ur search
بصي يا ست البسيطه
الموضوع بسيك اقلك متضايق ليه علي سبيل المثال وليس الحصر :-
1- لما تكوني في فرح وكل صحابك معاهم زوجاتهم ( ازواجهم ) وانتي قاعده معاهم علي الترابيزه لوحدك. ومقلقيش علي رخامه الستات مره كنا بنوصل انا وصاحبي مراته عند صاحبتها علشان احنا خارجين وهنقضي اليوم كله بره تقوم تقلي ايه رايك في صحبتي ده اعرفك عليها قلتلها انا شفتها قبل كده قالت لا طيب اقلها طيب كلميني عنها تقلي ايه ده كفايه انها صحبتي اقلها ايه ده والنبي يعني .
2- لما كل صحابك وروجاتهم يرقصوا Slow مع العريس والعروسه وانتا محدش يعبرك تفرق.
3- لما يكون صحابك عندهم عيل واتنين وانتي لسا lonly اكيد تفرق .
4- المدير بتاعي اتجوز متأخر جدا الراجل عدي ال 60 ولسا عنده عيل في اعدادي هيعيط ويشوفه مخلص جامعه علشان يجوزه. اعتقد ده لوحديها تفرق كتير.
والامثله كتير بس انا مش عايز اقطع قلبك.
وبعدين كفايه انك بالليل وانتي في السن ده تبقي لوحدك في البلكون وع كبايه شاي بس وانتي كمان الي عملتيها بنفسك.
اعتقد ليا حق اتضايق ولو شويا صوغننين بس .
هو فعلا موضوع يضايق
انا اكتر حاجة مقطعة قلبى موضوع الاطفال دة
بس كله باوانه
يا سيدى كلنا فى الشباب نقترب من الثلاثين بس بينى وبينك انا قاعد عازب برحتى
ليه منتش واثق ان ربنا لسه مش كاتبلك الخير ده دلوقتى
مش يمكن لو اتجوزت دلوقتى تتجوز واحدة مش كويسة او يمكن برده كويسة - بس انا اقصد ان لما ربنا بيكتب الميعاد بيكون له حكمة
وانا فى الكلية سقطت سنة ظلم وزعلت جدا لكن فى السنة اللى بعدها اتعرفت على زوجى حاليا واحنا متافهمين
اقصد ان اكيد اكيد لربك حكمة فى انك تنتظر للثلاثون بس انت مشكلتك انك مش بتعرف تستمتع - لكل سن من عمرك متعته - ممكن وانت فى الفرح او بين اصحابك او بين الكل تكون ظاهر بشخصيتك المميزة مش بكونك متجوز
خد قرارك بانك ومع سن التلاتين تكون شخصيتك افضل والى الله اقرب
كل سنة وانت بكل الخير والحب
تحايتى
هبة
doba
----
مش حكايه عدم ثقه ده يبقي ضعف ايمان وانا والحمد لله اعلم علم اليقين انا ربنا يحسن التدبير لعباده.
بس زي ما كل الناس عارفه ان الانسان مش من طبعه الصبر في ايه في القران الكريم بتقول في ما معناها " وخلق الانسان من عجل " يعني الصبر مش من صفه الانسان وانا انسان يا ست الكل.
الاختيار
تختار مين
ولامين
الجميلة
ولا
الغنية
ولا
بنت العيلة
ولا
ولا
فكر
وفكر
والعمر
بيعدي
وبيعدي
وفي لحظة
توصل
للاربعين
بقولك
علي الاخلاق والدين دور
ماتقوليش مش لاقي
لا فيه
بس انت بس
دور
العمر مش بعزقة يا صديقي العزيز
تحياتي
بنت الاسلام
بنت الاسلام
---------
العمر يوصل لاربعين الله يكرمك هوا انا مستحمل التلاتين علشان تقوليلي اربعين ميرسي علي التشجيع. هيا ده المساعده الي بتعرضيها الله يكرمك
معتقدش ان واحد وصل للتلاتين ومحاولش يدور اكيد دور ودور لما تعب كمان وبس زي ما بيقال لسا ما فيش نصيب.
وانا بقا بقلك عن واقع خبره علي الاصل والبيت الطيب دور.وكل حاجه بعد كده بتتحل المهم الاصل والبيت الطيب.
would u plz visit my blog and participate in my poll
i really need ur opinion
with my best regards
اولا كل سنة وانت طيب
ثانيا احب ابلغك خالص اسفى ومشاركتى الوجدانية لرحلة بحثك
هى والله ظاهرة .. تقريبا كل البنات والولاد خايفين مش مش لاقيين .. هم خايفين من الخطوة الأولى
محتاجين بس شوية تشجيع
وان شاء الله السنة الجاية نباركلك فى بيتك
سلام عليكم
ازيك ..
على فكرة انا متفهمة وجهة نظرك ..الخوف من الاختيار خاصة انه بيكون من غير تعارف لان اغلب الجواز دلوقتى صالونات
بس صدقنى
لو دورت كويس على بنت ناس ودعيت ربنا بنه يكرمك بيها خير
واتشجعت كده
ربنا هيوفقك وتبقى اب فى الواحد والتلاتين
وكل سنة وانت طيب وعقبال 100 سنة
سلام
ياسيدي عقبال مليون سنه مش تلاتين بس و انشاء الله كده عيد سعيد و سنين جايه احلي من اللي فاتت
احسن حل لحالتك انك جرى على الست الوالده وخالاتك وعماتك انا عايز عروسه وهما يقلبولك الارض وانت تنقى وتتحل القضية حكاية بقى انك مش عايز تتجوز دى بقى مش مشكلتنا مصر مليانه بنات يعنى منتش فى صحرا
وربنا يوفقك لبنت الحلال بس متنساش تعزمنا فى الفرح
السلام عليكم أولا
ثانيا بقى انا مابلفش وراك فى المدونات انت اللى باين عليك مستقصد اصحابى
ثالثا بقى ودا المهم ماتخافش عمرك ما هتقابل مشاكل مع نقابة المحامين لأنى ببساطة مش محامية
رابعا يافندم تحياتى لدمك الخفيف
معلش نسيت ارد على جملة مهمة جدا جدا جدا
يا فندم اصحابى مش ملخبطين ولا حاجة .. بس ببساطة كل واحد وواحدة فيهم شايل فى مخه تلال من المهمات والأعباء مابين شغل وعمل تطوعى ودراسة واهل وبيوت وناس .. يعنى مش فاضيين والناس اللى بتبقى عقولها مصانع دايما المكن بيحتاج ساعات تزييت تليين تشحيم راحة كدة يعنى هى دى بقى حالات اللخبطة .. من كتر التجارب والإحتكاكات
ولحظك السعيد كلهم مدونين ومدونات
مرحبا بك فى عالمى
العزيزه Jeen
-------------
انتي فهمتي غلط انا مش خايف علي نفسي من نقابه المحاميين ولا حاجه ده عليكي انتي يا فندم انتي ما تعرفهوش دول ..... ولا بلاش ليزعلوا هيرفعوا عليكي قضيه تعويض مزاوله المهنه بدون ترخيض.
ويا ستي شكرا علي الدعوه الجميله لعالمك الملخبط ده وكويس ان انتي نبهتيني علشان لما اجي اكون لابس الزي الرسمي بتاعكم ( العفريته ) لزوم الزيت والمكن والحجات ده يعني.
ثانيا:- تجارب الحياه يا فندم بتشد عظم صاحبها وبتخليه يتعود علي لخبطت الحياه وانه ما يهيسس خالص وما يخلطش العمل التطوعي بالشغل بالعائله بالعاطفي باي لخبطه وخلاص شويه كده لما الزمن يشد عليكي هتعرفي تفصلي بين اي حاجه وحاجه وهتتعلمي تعيشي في مواقف عمرك ما كنتي تتخيلي انك تعرفي تتعاملي مع حد فيها. الدنيا شكلها كده لسا ما شدتش عليكي وعلي صحابك يعني من الاخر شكل العظم بتاعكم لسا ورور ( ايه رايك في ورور ده اقتباس )
تحياتي لمرورك العزيز
شلبيه & Jeen
-------------
مش عارف هوا خوف من الاختيار ولا ايه بالظبط.
كل الموضوع اني مش متخيل اني ممكن اعيش في بيت واحد مع واحده وما يكونش بينا حب مش متخيل خالص الموضوع ده. مش عارف ليه معظم صحابي بيقلولي عمرك ما هتشوف واحده مره واحده وتحبها كده علي طول اصبر شويه بس انا حاسس اني لما ربنا يكرمني واشوف حد اكيد هيكون فيه حاجه هتوصلي يعني مثلا احساسي هيختلف لما اشوفها عن احساسي لما بشوف اي واحده ممكن تقولوا ان انا مستني حاجه زي كده. موجوده بقي مش موجوده مش عارف بس انا مستني وربنا يرزق.
- دور كويس , مصر مليانه بنات ,انتا
مكسل. بالزمه برده ده شكل واحد مكسل ده انا عامل هيصه وزمبليطه اهو يا جدعان وبعدين مصر مليانه بنات زي الفل ما انا عارف بس المشكله انا بقي مش عارف اوصل للفل ده هيا ده المشكله كل ما اوصل يطلع حاجه تانيه مش فل خالص والله.
realman
بما ان انا واصحابى لسة ورور .. وحضرتك الرجل المجرب الخبير .. هنهى الجدل القائم ده بقى وكل واحد عند وجهة نظره .. ومين عارف ممكن يحصل ايه بكرة .. ياما انا اقتنع اننا ورور .. او انت تقتنع اننا غير حبتين
المهم انا مقتنعة ان كل انسان مهما كان تاف وجامد مووت لازم بتمر عليه اوقات لخبطة المؤمن بس هو اللى بتعدى عليه وتمر ويطلع منها اكثر تركيزا
لكن بردو ما علينا .. اللى انت مستنيه ممكن يحصل .. مش ممكن .. ان شاء الله يحصل .. وتقابل اللى تخطفك من نفسك .. من اهلك ومن اصحابك .. من حياتك اللى انت اتعودت عليها وتخلق عالم جديد .. تعبيرات مجازية كبيرة مش كدة .. بس انت ادعى .. وربنا ان شاء الله يستجيب
اشطه بجد ..كل سنه وانت طيب الاول
عجبنى ردودك جدا على المدونات اللى قريتلك فيها واللى بتعتز فيها برجولتك
وشرقيتك
بحييك بشده
وحاول بس تحد من حدتك شويه وتعامل بعفويه وما تشوفشى النقاط السلبيه بس وانت بجد هتبقى حاجه هايله
وهتلاقى النصف الاخر
بس اظفر بذات الدين تربت يداك يا اخويا
موش ناقصين بلاى
يلا يا حوبى
سلاموو
ومنتظرين الخواطر اللى وعدتنا بيها
سلامووو
كل سنه وانت طيب مقدما
وبصراحه موضوع العزوبيه ده اكيد بإديك انت
وبكره تتحل ان شاء الله
معلش مره اخرى انا
لفت نظرى نقاشك انت وجين
بصراحه مش معنى ان الواحد يكتب اللى فى قلبه من غير تشذيب كده بعفويه بمعنى اصح يفضفض فى البلوج انه كده يبقى ورور
وعمر ما البلوج حيحكم او يظهرلك شخصية صاحبه الحقيقه ده مجرد كتاب فى عالم افتراضى ولما يتقفل كل واحد بيرجع لواقعه على مدى شدته و اختلافه
وبصراحه انا مقتنعه بحاجه انه مهما مريت بتجارب وعظامك اتشددت فيها فأنت فى اى تجربه جديده مولود جديد هى اى نعم حتسند ظهرك بس برده مش قوى
وشكرا على اتساع صدرك
توهه
----
هتوهينا يا ست توهه ارد علبي اي كومنت نبدا بالترتيب.
1- في رائ الشخصي المتواضع ان موضوع العزوبيه مش بايد اي حد ولد او بنت ولو كان هوا السبب فيه يبقي انسان مش طبيعي وانا والحمد لله طبيعي. الموضوع ببساطه ان انا لسا مقابلتش البنت الي انا اتمنيت اقضي معاها بقيت عمري شفتي بسيطه ازاي.
2- بالنسبه ليا انا وجيين اطمني يا ستي احنا بقينا صحاب دلوقت وهيا معترفا انها ورور.
والخبرات السابقه مش بتقوي ظهرك بس لا ده بتشدها كمان جدا جدا جربي بس انتي كده وانتي تشوفي.
تحياتي واهلا بيكي نورتينا بحضورك
كل سنة وانت طيب ... عادي انا مش شايفة ان سنك كبير لدرجة انك مضايق بالعكس سن الثلاثين افضل سن مناسب للزواج وتحمل المسؤولية ده من وجهة نظري بس يلا الحق نفسك بقى ههههههه وفرحنا بيك قريب ... وان شاء الله تلاقي الزوجة الصالحة اللي تحبها وتحبك
تحياتي ومنتظرة الجديد
على فكرة
اولا انا معترفتش ان انا ورور .. انا بس حبيت انهى جدل مش هينتهى لو قعدنا نرغى فيه ستين سنة .. انا ليا وجهة نظر وانت ليك وجهة نظر
ثانيا شوفت بقى انك بتلف تلف وترجعلنا .. توهة دى بردو صاحبتى مش عن طريق البلوجات بس دا فى الواقع كمان
:) :) :) :)
Post a Comment