بزمتكم مش حلوه حكايت الرجل الثلاثيني ده حاجه كده زي الرجل الاخضر بالظبط ههههههههههه.
علي العموم انا سمعت انهم بيقولوا ان الثلاثين ده سن بلوغ قمه المسئوليه والنضوج عند الرجاله
وادينا وصلناله لما نشوف بقي هيحصل ايه. محدش يفهم من كلامي ان انا مش مسئول ولا ناضج بالعكس انا شايف ان انا وصلت لمرحله كبيره جدا في الموضوع ده. علشان كده مش متخيل يعني ان موضوع الثلاثين ده هيفرق معايا اوي في مسأله النضوج الفكري والمسئوليه والكلام الكبير ده. بس انا كدا كدا وصلتله لما نشوف هيحصل ايه الكلام الي سمعته ده صح ولا زي ما بيقولوا كلام في كلام يا عبد السلام.
تحيات الرجل الاخضر ياه قصدي الرجل الثلاثيني.
Subscribe to:
Post Comments (Atom)
8 comments:
يااااااااه انا عملت سبق وانا اول تعليق هيه هيه هيه
كل سنة وانت طيب وحلوة او حكاية الرجل الثلاثيني دي ... وفعلا ديما بيقولوا ان عند سن الثلاثين بيكون الرجل اكثر نضوجا وخبرة وقدر عل تحمل المسؤولية كاملة...وكويس جدا انك عندك قدر كبير من الاشياء دي
بس تصدق في ناس والله بيبقى سنهم اكبر كمان من الثلاثين ولكنهم غير قادرين على تحمل المسؤولية واقل نضوجا
العبرة في الدماغي ونصيحة خلي الدماغ صاحي
تحياتي وابقى احكيلنا بقى ايه اللي جد عليك بعد ما وصلت الى الثلاثين
الله يكرمك الواحد قلبه انشرح لما يلاقي اول كومنت كده أيامنا الحلوه. يبقي ان شاء الله تبقي سنه حلوه بأذن الله.
المسئوليه مش بالسن المسئوليه تصنع الرجال يا فندم.
وزورونا تجدوا ما يسركم.
تصدقنى
هاتصدقنى ان شاء الله
شوف بقى بجد انا ليا اخ بيخطب ومن وهو لسه فى العشرينات المهم كل شويه يخطب ومش يحصل نصيب وكان خلاص الدنيا ظلمت فى وشه
المهم لما وصل للثلاثين الاكتئاب زاد وطبعا البيت على قدم وساق بيدور على عروسه علشان يخرج من الحاله اللى هو فيها المهم فين وفيننن
لما الحمد لله تجوز احسن بنت
بنت ناس جدااا
ومن عيله وشكلها كويس ومؤدبه وبتحبه جدا جدا واهلها بيحبوا جدا
وبعد كدة تفتكر الاكتئاب راح لا لسه موجود
ليه لاقى الجواز مسئوليه وشيل هم وهو اللى كان مدلع فى البيت عندنا جدا
سبحان الله الدنيا مش مريحه حد اصلا
ولا يهمك من وصول الثلاثين
ان شاء الله خير
رفقه العمر
---------
يا اهلين وسهلين يا ستي
مرات اخوكي ده ملهاش اخوت صغنونه كده هههههههههههه.
موضوع الاكتئاب ده والحمد لله مش مطروح لان انا والحمد لله مقتنع تمام بان الخير في مشيئه ربنا يعني زي ما بيقولوا كل تأخيره وفيها خيرا. ان شاء الله تبقي خير بالنسبالي.
اسعدنا تواجدكم معنا اليوم
realman العزيز
كل سنة وانت طيب وعقبال مية سنة
وارحب بيك على باب مرحلة جديدة سعيدة
ومقصدش مرحلة الثلاثينات بالذات
اصل كل سنة عندى فى العمر لوحدها مرحلة جديدة
وعلى رايى لطيفة .. اتمنالك تتحققلك كل آمالك
مبروك اللقب
وكل سنه وانت طيب
كل سنة وانت طيب وعقبال تسعين سنة والا شوية نخليهم سبعة وتسعين
اية يعني تلاتين سنة
عادي ولا حاجة انت هاتفضل انت سواء تلاتين او ستين او تسعين
اتمنى لك الصحة والسعادة
سلام
هاتفرق...
لو انت عايزها تفرق...وحاولت فى كدا
Post a Comment